Canllaw i gymryd rhan mewn apeliadau hysbysebion

1. Diben y canllaw hwn

1.1 Efallai i chi wneud cais i’ch cyngor am ganiatâd i arddangos hysbyseb,
ond i’r Cyngor wrthod y cais hwnnw. O ganlyniad, rydych bellach wedi
penderfynu apelio yn erbyn ei benderfyniad. Neu, efallai fod gennych
ddiddordeb penodol yng nghanlyniad cynnig rhywun arall i arddangos
hysbyseb, a wrthodwyd gan y Cyngor, ond sydd bellach yn destun apêl.
Mae’r llyfryn hwn yn esbonio’r hyn sydd ynghlwm wrth y broses apelio.

1.2 Mae bron pob hysbyseb awyr agored o dan reolaeth gynllunio. Mae’r
cyfrifoldeb dros y rheolaethau hyn yn nwylo awdurdodau cynllunio lleol
sydd fel arfer yn gynghorau dosbarth neu fwrdeistref. Mae’r cyngor yn
penderfynu a ddylid caniatáu hysbyseb benodol. Gall Cynghorau hefyd
gymryd camau i gael gwared â hysbysebion y rhoddwyd caniatâd iddynt
o dan y system gynllunio. Maent yn gwneud hyn trwy gyflwyno
hysbysiad dirwyn i ben.