Canllaw i gymryd rhan mewn apeliadau hysbysebion

6 Y broses apelio

6.1 Anaml y mae apeliadau hysbysebu yn cynnwys materion cynllunio
cymhleth. Fel arfer rydym yn delio â’r apeliadau hyn trwy gyfrwng
llythyrau a dogfennau yn nodi barn y naill ochr a’r llall, ac unrhyw un
arall sydd â diddordeb. Rydym yn delio â thros 90% o apeliadau fel hyn.

6.2 Fodd bynnag, os teimlwch na fyddai llythyr yn esbonio eich achos yn
llawn, mae gennych yr hawl i gyflwyno eich achos mewn gwrandawiad.
Mae gan y Cyngor hefyd yr hawl i ofyn am wrandawiad. Pa ddull
bynnag a ddewisir, byddwn yn penodi Arolygydd i ddelio â’r apêl.

6.3 Yng Nghymru byddwn yn ceisio cwblhau’r broses apelio a’ch hysbysu
o’r penderfyniad o fewn 15 wythnos i’r dyddiad y derbyniwyd eich
ffurflenni apelio ar gyfer y weithdrefn ysgrifenedig a gwrandawiadau.
Yn Lloegr, byddwn yn ceisio cwblhau’r broses apelio o fewn 16 wythnos
i’r dyddiad y derbyniwyd eich ffurflenni apelio (os ydych yn defnyddio’r
weithdrefn ysgrifenedig) neu o fewn 22 wythnos (ar gyfer gwrandawiad).