Canllaw i gymryd rhan mewn apeliadau hysbysebion

10 Trefnu’r gwrandawiad neu’r ymweliad â’r safle

10.1 Rydym yn gwneud ein gorau glas i wneud y trefniadau ar gyfer
gwrandawiad neu ymweliad â safle mor gynnar â phosibl. Os byddwch
chi a’r ACLl yn cytuno ar y dyddiad cyntaf a gynigiwn am wrandawiad,
gallwn reoli ein hadnoddau Arolygwyr yn well.

10.2 Dim ond unwaith y caniateir i bob parti wrthod dyddiad a gynigir ar
gyfer gwrandawiad cyn i ni bennu dyddiad, amser a lleoliad.

10.3 Unwaith y byddwn wedi pennu dyddiad, nid yw’n hawdd i ni ei newid, a
dim ond o dan amgylchiadau eithriadol am wrandawiad y byddwn yn
cytuno i wneud hynny.

11 Atal gweithredu ar eich apêl (dirymedd)

11.1 Rydym yn ymrwymedig i ymdrin â phob apêl mor gyflym â phosibl
Fel arfer nid ydym yn cytuno i ohirio apeliadau, ond o dan amgylchiadau
eithriadol gallwn gytuno i wneud hynny am gyfnod byr. Er enghraifft, er
mwyn rhoi cyfle i chi a’r ACLl ddod i gytundeb a fydd yn arwain at
dynnu’r apêl yn ôl

11.2 Fodd bynnag, dim ond os byddwn yn fodlon mai dyna’r ffordd fwyaf
priodol ymlaen, a bod gennym dystiolaeth ei bod yn debyg y deuir â’r
apêl i ben yn gyflym, y byddwn yn cytuno i ohirio apêl.

11.3 Os ydych am i ni ohirio apêl, dylech ysgrifennu at y swyddog achos.
Bydd yn gofyn i’r ACLl am ei sylwadau. Hyd yn oed os bydd yr ACLl
yn cytuno, efallai na fyddwn ni yn cytuno. Ni sy’n gwneud y
penderfyniad terfynol.