Canllaw i gymryd rhan mewn apeliadau hysbysebion

15 Costau

Prif Bartïon

Fel arfer byddwch chi a’r cyngor yn talu am eich costau eich hunain mewn
apêl. Dim ond os gallwch ddangos i’r cyngor ymddwyn yn afresymol gan
arwain at gost ddiangen y gallwch hawlio costau. Gall y cyngor hawlio costau
hefyd yn eich erbyn am resymau tebyg. Ar hyn o bryd ni allwch hawlio costau
mewn achosion trwy gynrychioliadau ysgrifenedig, dim ond gwrandawiadau.
Mewn gwrandawiad gallwch chi neu’r cyngor ofyn i’r llall dalu costau. Bydd
ein Harolygydd yn ystyried cais am gostau dim ond os gwneir y cais hwnnw
cyn i’r gwrandawiad ddod i ben ac y gall y person sy’n gwneud y cais ddangos
i’r ochr arall ymddwyn yn afresymol gan achosi iddo fynd i gost yn ddiangen.

Partïon eraill â diddordeb

Yn gyffredinol, anaml y bydd partïon, ac eithrio’r apelydd a’r cyngor, sy’n
ymddangos yn y gwrandawiad, yn gysylltiedig â cheisiadau am gostau. Os
bydd trydydd partïon yn dewis cymryd rhan mewn achosion apelio, maent yn
gwneud hynny ar eu traul eu hunain.

Rydym yn cyhoeddi llyfryn am ddim sy’n rhoi rhagor o wybodaeth am hawlio
costau. Cewch gopi o’r llyfryn hwn o’r cyfeiriad a ddangosir ar y clawr cefn,
neu o’r wefan.

Canllawiau polisi a’r gyfraith yngl?n ag arddangos hysbysebion awyr agored
Os ydych yn gwneud apêl, neu os ydych am wneud sylwadau ar apêl a wnaed
gan rywun arall, efallai y byddwch am ddarllen rheoliadau a chanllawiau polisi
cyhoeddedig yngl?n ag arddangos hysbysebion awyr agored. Cewch fanylion
am y rhain yr Atodiad 1. Ni allwch gael copïau gennym, ond gallwch eu prynu
o’r Llyfrfa. Fel arfer gallwch weld copi mewn swyddfeydd cyngor a
llyfrgelloedd cyhoeddus mwy o faint.