Dyfarnu Costau mewn Apeliadau Cynllunio

C10 Os gofynnaf am gael gwrandawiad gerbron Arolygydd, a ellid dyfarnu i’r awdurdod cynllunio lleol ar y sail y gellid bod wedi delio â’r achos yn ddigon da trwy gynrychioliadau ysgrifenedig?

Na ellid. Ni ddyfernir costau dim ond am y rheswm syml bod un o’r partïon wedi gofyn am ymchwiliad neu wrandawiad. Mae gan yr apelydd a’r awdurdod cynllunio lleol hawl i gael gwrandawiad gan `berson a benodwyd gan y Cynulliad Cenedlaethol'; ac nid ystyrir bod arfer yr hawl honno yn ymddygiad afresymol, hyd yn oed pe gellid bod wedi delio â’r achos trwy gynrychioliadau ysgrifenedig. Yn yr un modd, ni chaech eich cosbi am wrthod cynnig gwrandawiad anffurfiol ac am ofyn am ymchwiliad.
Fodd bynnag, os gofynnwch am gael gwrandawiad, dylech sylweddoli bod posibilrwydd y gellid dyfarnu costau yn eich erbyn.