Dyfarnu Costau mewn Apeliadau Cynllunio

C13 Beth am drydydd partïon?

At ei gilydd, anaml y bydd partïon eraill ar wahân i’r apelydd a’r awdurdod cynllunio lleol sy’n ymddangos mewn ymchwiliad (neu wrandawiad) - cymdogion, er enghraifft, neu gymdeithasau amwynder lleol - yn gysylltiedig â cheisiadau am gostau. Os bydd trydydd partïon yn dewis cymryd rhan mewn achosion apêl, maent yn gwneud hynny ar eu liwt eu hunain. Er enghraifft, efallai y byddant am ymddangos mewn ymchwiliad neu wrandawiad), i gefnogi penderfyniad yr awdurdod cynllunio i wrthod caniatâd cynllunio. Dim ond o dan amgylchiadau eithriadol - er enghraifft, pan fydd yn rhaid gohirio ymchwiliad oherwydd ymddygiad afresymol trydydd parti neu barti arall - y bydd gan drydydd partïon unrhyw reswm dros wneud cais am gostau, neu y byddant yn debygol o wynebu ceisiadau yn eu herbyn.