Dyfarnu Costau mewn Apeliadau Cynllunio

C14 Sut y gellid dyfarnu i drydydd parti ei gostau?

Gellir dyfarnu costau i drydydd partïon, o’u plaid, pan genslir ymchwiliad (neu wrandawiad). Gellir dyfarnu costau o dan yr amgylchiadau canlynol:

1. pan fydd ymddygiad afresymol gan yr apelydd yn achosi i ymchwiliad (neu wrandawiad) gael ei ganslo; neu
2. pan fydd apelydd yn dileu’r apêl yn rhy hwyr i ganslo’r ymchwiliad (neu’r gwrandawiad), neu’n methu mynychu ymchwiliad (neu wrandawiad).

Pan fydd hyn yn digwydd, nid yw’n debyg y bydd gan drydydd partïon unrhyw reswm dros wneud cais am gostau am waith paratoi a wastraffwyd (yn ogystal â’r costau yn gysylltiedig â mynychu’r ymchwiliad (neu’r gwrandawiad)) oni allant ddangos, cyn iddynt fynd i gost, iddynt ragrybuddio’r apelydd a’r awdurdod cynllunio lleol eu bod yn bwriadu ymddangos yn yr ymchwiliad (neu’r gwrandawiad); ac iddynt gadw mewn cysylltiad agos â’r awdurdod cynllunio lleol, ac iddynt holi yn gyntaf a oedd yr apelydd yn ceisio datrys unrhyw anghytundeb ynghylch materion yr apêl trwy drafod gydag ef.