Dyfarnu Costau mewn Apeliadau Cynllunio

C15 Sut a phryd y dylwn i wneud cais am gostau?

Ni  oes gweithdrefn na ffurflen gais ffurfio. Dylai eich cais egluro pam eich bod yn credu bod y parti arall wedi ymddwyn yn afresymol, a sut y mae hyn wedi peri i chi fynd i gostau dianghenraid.

Dylid gwneud cais am gostau i'r Arolygydd yn y gwrandawiad neu ymchwiliad, pan gaiff un ei gynnal. Os gwnewch gais cyn bod yr ymchwiliad (neu wrandawiad) yn dod i ben, bydd yr Arolygydd yna'n gallu ystyried y dadleuon perthnasol.
Gall yr apelydd neu ACLl wneud, neu ddymuno gwneud y canlynol:

• darparu datganiadau ysgrifenedig am eu seiliau ymlaen llaw
• hysbysu'r ochr arall o'u bwriad i wneud cais am gostau yn y gwrandawiad neu ymchwiliad, ac ar ba seiliau.

Gall rhoi cyflwyniadau ysgrifenedig i'r naill ochr a'r llall ymlaen llaw arbed amser gwerthfawr o ran gwrando ar gyflwyniadau llafar ar gostau drwy osgoi pethau annisgwyl a all arwain at oedi ar y diwrnod.  Dylai'r egwyddor o roi cyflwyniadau sy'n ymwneud â thystiolaeth cynllunio yn gynnar fod yn gymwys i unrhyw fwriad i wneud cais am gostau yn erbyn prawf o ymddygiad afresymol sy'n arwain at wariant dianghenraid.  Fodd bynnag, gall y naill barti a'r llall ychwanegu at gyflwyniadau a wnaed eisoes os oes angen, ar ddiwrnod yr Arolygiad, os hoffent. 

Mewn achosion eithriadol (gweler C3) lle gellir dyfarnu costau os cynhelir yr apêl drwy gyfnewid cynrychioliadau ysgrifenedig a chael archwiliad o'r safle, fel arfer dylid cyflwyno cais wedi'i nodi'n glir yn ysgrifenedig (wedi'i gyfeirio at y Swyddog Achos) cyn dyddiad archwilio'r safle. Nodwch: nid yw cyflwyno cais wedi'i eirio'n amwys na dweud eich bod yn bwriadu gwneud cais am gostau yn ddigonol.

Yn achos ymchwiliad neu wrandawiad wedi'i ganslo (gweler C6), dylid cyflwyno cais am gostau o fewn 4 wythnos o ddyddiad yr hysbysiad canslo fan bellaf. Mae'r cyfeiriad i'w ddefnyddio ar gefn y pamffled hwn.