Costau - Cylchlythyr 23/93 (Y Swyddfa Gymreig)

Dyfarnu costau yr aed iddynt mewn achosion cynllunio ac achosion eraill (gan gynnwys achosion yn ymwneud â Gorchmynion prynu gorfodol)

Ychwanegiad 2 - Gofynion Gweithdrefnol Cyffredinol mewn Achosion Apêl – Ymddygiad Afresymol: Dyfarniadau yn erbyn apelyddion ac Awdurdodau Cynllunio- Cais am wrandawiad llafar

1. Ni ddyfernir costau am y rheswm syml bod un o’r partïon mewn apêl wedi gofyn am gael "gwrandawiad". Mae gan bob prif barti hawl statudol i ofyn am gyfle i ymddangos gerbron person a benodwyd gan yr Ysgrifennydd Gwladol a chael gwrandawiad. Nid ystyrir bod arfer yr hawl honno, ynddo’i hun, yn afresymol, hyd yn oed pe gellid bod wedi delio â’r apêl yn ddigon da trwy gynrychioliadau ysgrifenedig ac archwiliad o’r safle. Fodd bynnag, unwaith y bydd hysbysiad ffurfiol wedi’i roi o ymchwiliad neu wrandawiad, bydd y prif bartïon mewn risg y dyfernir costau yn eu herbyn os bydd eu hymddygiad yn yr achos yn afresymol.