Canllaw i gymryd rhan mewn apeliadau gorfodi

7 Dyfarniadau cost apeliadau

7.1 Yn ystod gwrandawiadau neu ymchwiliadau, bydd yr Arolygydd yn dweud y dylid gwneud unrhyw gais am gostau cyn diwedd y gweithrediadau. Gall hyn ddigwydd pan fydd un parti yn honni ei fod wedi talu treuliau diangen wrth ymdrin â’r gweithrediadau o ganlyniad i ymddygiad afresymol y parti arall. Mewn hysbysiad gorfodi, gellir hefyd gwneud ceisiadau am gostau os defnyddir y weithdrefn ysgrifenedig.

7.2 Oni bai mai chi yw’r apelydd, nid yw hyn yn debygol o fod yn berthnasol i chi oherwydd os byddwch yn dewis cymryd rhan mewn apêl, byddwch yn gwneud hynny ar eich traul eich hun. Rydym yn cyhoeddi canllaw ar gostau sydd ar gael ar ein gwefan neu gallwch ysgrifennu atom yn y cyfeiriad wrth gefn y llyfryn.