Canllaw i gymryd rhan mewn apeliadau gorfodi

8 Y Penderfyniad

8.1 Bydd yr Arolygydd yn ysgrifennu’r penderfyniad, neu’n anfon adroddiad i’r Cynulliad. Pan fydd yr Arolygydd yn penderfynu ar yr apêl, byddwn yn anfon copi o’r penderfyniad at yr apelydd; yr ACLl; ac unrhyw un arall a ysgrifennodd atom yn gofyn am gopi ac unrhyw un y cyflwynwyd copi o’r hysbysiad gorfodi iddynt. Pan fydd y Cynulliad yn penderfynu ar yr apêl, y Cynulliad fydd yn cyhoeddi’r penderfyniad.

8.2 Ar gyfer apeliadau y penderfynir arnynt drwy’r weithdrefn ysgrifenedig, ein nod yw cyhoeddi’r penderfyniad o fewn pum wythnos i’r ymweliad â’r safle. Ar gyfer gwrandawiadau, ein nod yw cyhoeddi’r penderfyniad o fewn saith wythnos i ddyddiad y gwrandawiad. Ar gyfer ymchwiliadau sy’n para un neu ddau ddiwrnod, ein nod yw cyhoeddi’r penderfyniad o fewn saith wythnos i’r dyddiad y daw’r ymchwiliad i ben. Ar gyfer ymchwiliadau sy’n para am gyfnod hwy, bydd y broses o ddod i benderfyniad yn cymryd mwy o amser.

8.3 Os bydd y Cynulliad yn gwneud y penderfyniad, gallai’r broses gymryd mwy o amser.