Yr Arolygiaeth Gynllunio - Cymru

Canllaw i gymryd rhan mewn apeliadau gorfodi

Atodiad 5

Deddf Diogelu Data a Phreifatrwydd yn yrArolygiaeth
Gynllunio

Cyflwyniad

O dan Ddeddf Diogelu Data 1998, mae gennym ddyletswydd gyfreithiol i’ch hysbysu
am unrhyw wybodaeth a gasglwn gennych a’i diogelu.

Wrth ystyried apêl, mae’r Arolygydd (neu’r Cynulliad) yn cael amrywiaeth o wybodaeth bersonol. Daw’r wybodaeth hon o nifer o ffynonellau, gan gynnwys:

y cais gwreiddiol, ynghyd ag unrhyw ddogfennau o gefnogaeth neu wrthwynebiad;
y ffurflen apelio ynghyd ag unrhyw ddogfennau pellach o gefnogaeth neu wrthwynebiad;

Yn unol â rhwymedigaethau statudol presennol, bydd y rhan fwyaf o’r ddogfennaeth a dderbynnir ar gael i’r cyhoedd. Serch hynny, mae’r Arolygiaeth Gynllunio, fel rhan o’r Cynulliad, yn cydnabod pwysigrwydd preifatrwydd unigolion. Mae’r nodiadau hyn yn nodi pa wybodaeth a gesglir gennym a sut y’i defnyddir.

Diogelu Data

Rydym wedi rhoi gweithdrefnau ar waith er mwyn sicrhau ein bod yn cydymffurfio â Deddf Diogelu Data 1998 wrth ymdrin â’ch gwybodaeth bersonol.

Yn arbennig:

dim ond at ddibenion sy’n ymwneud ag ymdrin â’r apêl gynllunio berthnasol y byddwn yn defnyddio eich gwybodaeth bersonol;
dim ond am gyhyd ag y bydd angen y byddwn yn cadw eich gwybodaeth bersonol. Fel arfer, ar gyfer apeliadau cynllunio wedi’u cwblhau, 12 mis yw’r cyfnod hwn, er y byddwn yn sicr yn cadw copi o benderfyniad yr Arolygydd am gyfnod amhenodol. Efallai y bydd gwybodaeth bersonol yn rhan o benderfyniad yr Arolygydd.

Pwy all weld eich gwybodaeth bersonol?

Bydd papurau’r apêl ar gael i’w harchwilio yn swyddfeydd y cyngor, a gall unrhyw un edrych arnynt.

Mae gan unrhyw un sydd â hawl i gael ei hysbysu am y penderfyniad mewn achos ymchwiliad hawl gyfreithiol i wneud cais i archwilio’r dogfennau, y ffotograffau a’r cynlluniau a restrir o fewn 6 wythnos i ddyddiad y penderfyniad. Fel arfer, ni wrthodir ceisiadau eraill i weld dogfennau’r apêl.

Yn ogystal, pan fydd y Porth Cynllunio electronig ar gael, rhoddir y mwyafrif o’r wybodaeth bersonol a dderbynnir ar y wefan Gwaith achos [www.planningportal.gov.uk] a gall unrhyw drydydd parti ledled y byd gael mynediad iddi, gan gynnwys unigolion neu sefydliadau nad oes ganddynt ddiddordeb uniongyrchol yn yr apêl benodol.

Pa wybodaeth a gesglir gennym?

Wrth ymdrin ag apêl, gallwn dderbyn gwybodaeth bersonol amdanoch gan nifer o bartïon, gan gynnwys:

awdurdodau cynllunio lleol;
chi;
partïon eraill â diddordeb yn yr apêl.

Mae’r wybodaeth a dderbyniwn yn amrywio, ond gallai gynnwys:

manylion eich enw, eich cyfeiriad a’ch galwedigaeth;
gwybodaeth yn ymwneud â’ch iechyd;
gwybodaeth yn ymwneud â’ch barn neu’ch bwriad mewn perthynas â chais cynllunio/apêl gynllunio.

Pa gamau y dylech eu cymryd?

Dim ond gwybodaeth bersonol rydych yn fodlon iddi fod ar gael i’r cyhoedd y dylech ei darparu.
Peidiwch â chynnwys gwybodaeth bersonol am drydydd parti arall (gan gynnwys aelodau o’r teulu) oni fyddwch wedi hysbysu’r unigolyn dan sylw, a’u bod yn fodlon i chi ei hanfon.
Os bydd unrhyw wybodaeth bersonol a ddarparwyd gennych yn newid, rhowch wybod i ni cyn gynted â phosibl.

Y Rheolwr Data

Swyddfa’r Dirprwy Brif Weinidog yw’r rheolwr data (y sefydliad sy’n gyfrifol am ymdrin â gwybodaeth bersonol).

Eich Hawl i Weld Data Personol

Mae’n rhaid i ni roi copi darllenadwy o’r data personol a gedwir amdanoch i chi o fewn 40 diwrnod. Codir tâl statudol o £10. Bydd angen tystiolaeth neu brawf adnabod. Mae cadw data cywir yn bwysig er ein lles ni a’ch lles chi. Os bydd y data a gedwir gennym yn anghywir mewn unrhyw ffordd, yna gellir: