Gwneud eich apêl gorfodi

10 Y Penderfyniad

Penderfyniad yr Arolygydd

10.1 Byddwn yn anfon copi o benderfyniad yr Arolygydd atoch. Fel arfer, bydd yn disgrifio eich apêl gorfodi; yn nodi’r sail, y ffeithiau a’r dadleuon cynllunio pwysig; ac yn archwilio’r prif ddadleuon ac yn egluro pam mae’r Arolygydd wedi dod i’r penderfyniad.

10.2 Byddwn yn anfon copi o’r penderfyniad i’r ACLl ac unrhyw un arall sydd â’r hawl i gael copi neu a ofynnodd am un.

Penderfyniad gan y Cynulliad

10.3 Bydd yr Arolygydd yn anfon adroddiad i’r Cynulliad. Bydd adroddiad yr Arolygydd yn cynnwys casgliadau ar y materion a godwyd ac yn argymell a ddylid caniatáu’r apêl ai peidio.

10.4 Nid oes rhaid i’r Cynulliad dderbyn argymhelliad yr Arolygydd a bydd yn ystyried popeth sy’n berthnasol. Weithiau, mae’r Cynulliad yn anghytuno ag argymhelliad yr Arolygydd. Os bydd hyn yn digwydd am eu bod yn ystyried tystiolaeth newydd a gyflwynwyd ar ôl yr ymchwiliad, neu am eu bod yn anghytuno ag un o ganfyddiadau’r Arolygydd, bydd gennych chi a’r ACLl gyfle i wneud sylwadau cyn i’r penderfyniad gael ei wneud. Os bydd angen, gallwn ailagor yr ymchwiliad. Bydd rhywun a benodwyd gan y Cynulliad yn llofnodi’r llythyr yn eich hysbysu am y penderfyniad.

10.5 Bydd y Cynulliad Cenedlaethol yn anfon copi o’r llythyr o benderfyniad ac adroddiad yr Arolygydd atoch chi, yr ACLl ac unrhyw un arall y mae ganddynt hawl i gael copi neu a ofynnodd am un.