Caniatadau Gollwng a Chaniatadau Eraill – canllaw i’r weithdrefn apelio

Atodiad 2 – Canllaw Swyddogol Cyhoeddedig at ddibenion Cyfeirio

Gellir dod o hyd i gyngor ar lawer o’r materion a allai fod yn destun apêl yn y cyhoeddiadau canlynol:-

PRIF DDEDDFWRIAETH

Deddf yr Amgylchedd 1995

Sefydlodd y Ddeddf hon Asiantaeth yr Amgylchedd, a gwnaeth ddarpariaethau hefyd gan gynnwys y rhai ar gyfer rheoli llygredd, gwarchod adnoddau naturiol a gwarchod neu wella’r amgylchedd. Rhannau mwy perthnasol y Ddeddf hon yw Adran 114, Atodlen 20, Atodlen 22 (Paragraffau 142-145, 161-171 ac 182-186) ac Atodlen 23 (Paragraff 21) y Ddeddf hon, sy’n diwygio Deddf 1991 mewn cysylltiad â cheisiadau am ganiatâd gollwng, apeliadau, a chofrestri cyhoeddus.

Deddf Adnoddau Dwr 1991

Cyfunodd y Ddeddf hon y ddeddfwriaeth dër flaenorol o ran ansawdd a maint.

Deddf Diwydiant Dwr 1991

Mae’r Ddeddf hon yn cyfuno’r deddfau sy’n ymwneud â chyflenwi dër a darparu gwasanaethau carthffosiaeth.

Deddf Diogelu’r Amgylchedd 1990

Sefydlodd y Ddeddf hon ddarpariaethau statudol ar gyfer amrywiaeth o ddibenion Diogelwch Amgylcheddol, gan gynnwys rheolaeth llygredd integredig ar gyfer y rhan fwyaf o brosesau peryglus; rheoliadau gwastraff; a niwsans statudol.

DEDDFWRIAETH EILRADD

Rheoli Llygredd (Ceisiadau, Apeliadau a Chofrestri) 1996: OS Rhif 2971

CYFARWYDDEBAU’R GE

Cyfarwyddeb Dwr Ymdrochi (76/160/CEE)
Mae hon yn gosod y safonau sy’n anelu at ddiogelu iechyd ymdrochwyr a chynnal ansawdd esthetig dyfroedd ymdrochi.

Cyfarwyddeb Trin Dwr Gwastraff Trefol (91/271/CEE)

Mae hon yn nodi’r gofynion ar gyfer darparu systemau casglu a thriniaeth
carthffosiaeth yn ôl maint y gollyngiad a natur y dër sy’n ei dderbyn.

Cyfarwyddeb Sylweddau Peryglus (76/464/CEE)

Ynghyd â Deddf Adnoddau Dwr 1991 (fel y’i diwygiwyd), ei nod yw rheoli faint o sylweddau peryglus penodol a gaiff eu rhoi yn nyfroedd y Gymuned.

Cyfarwyddeb Dwr Daear (80/68/CEE)

Mae’r Gyfarwyddeb hon yn ymwneud â’r Gyfarwyddeb Sylweddau Peryglus, ac mae’n cymhwyso rheolau tebyg i ddiogelwch dër daear.

Cyfarwyddeb Pysgod Dwr Croyw (78/659/CEE)

Cyfarwyddeb Dwr Pysgod Cregyn (79/923/CEE)

Nod y ddwy Gyfarwyddeb hon yw diogelu iechyd pysgod dër croyw a physgod cregyn drwy ddynodi dyfroedd y mae angen eu diogelu a gosod safonau ansawdd ar gyfer y dyfroedd hynny. Ceir Cyfarwyddeb (91/492/CEE) hefyd sy’n anelu at ddiogelu iechyd y rhai sy’n bwyta pysgod cregyn drwy orfodi safonau ansawdd ar gyfer bacteria. Cyfrifoldeb MAFF yw gweithredu a rheoleiddio’r Gyfarwyddeb hon.

Cyfarwyddeb Nitradau o Ffynonellau Amaethyddol (91/676/CEE)

Mae’r Gyfarwyddeb hon yn mynnu bod Aelod Wladwriaethau yn nodi ac yn diogelu dyfroedd a ddiffiniwyd fel rhai sydd wedi’u llygru gan nitradau, yn ôl meini prawf a ddisgrifir gan y Gyfarwyddeb hon.

Arweiniad Perthnasol Arall

Gellir hefyd dod o hyd i arweiniad at faterion penodol sy’n deillio o bryd i’w gilydd mewn dogfennau fel:-
Arweiniad NRA Blaenorol (gan gynnwys y Llawlyfr Caniatadau)
Canllawiau ar gyfer Adolygiad Cyfnodol AMP (2)