Caniatadau Gollwng a Chaniatadau Eraill –
canllaw i’r weithdrefn apelio

Atodiad 3 – Achosion y Cynulliad Cenedlaethol

1. Achosion pwysig iawn yw’r rhain y gallai’r Cynulliad eu hadfer er mwyn
   penderfynu arnynt. Yn yr achosion hyn, bydd yr Arolygydd yn cynnal gwrandawiad yn y ffordd arferol ond yna’n paratoi adroddiad a fydd yn disgrifio’r safle dan sylw, yn crynhoi’r achos ar gyfer yr apelydd a’r Asiantaeth, ac yn rhoi eu hystyriaethau a’u casgliadau eu hunain, gydag argymhelliad ynghylch y penderfyniad y gallai’r Cynulliad ei wneud.
2. Caiff pob achos ei ystyried yn unigol ac nid yw’n bosibl rhagweld pob math o apêl a allai ddisgyn i’r categori hwn, ond gallent gynnwys er enghraifft:-
   
   • achosion sy’n ymwneud â safleoedd pwysig iawn a/neu sydd â mwy nag arwyddocâd lleol neu ranbarthol;
   • achosion sy’n codi anawsterau cyfreithiol sylweddol;
   • achosion y gellir penderfynu arnynt mewn cydweithrediad ag achosion eraill yn unig nad oes gan Arolygwyr awdurdodaeth drostynt;
   • achosion sy’n codi materion pwysig newydd o ran polisi mewn perthynas â rheolaeth caniatáu gollwng gyda goblygiadau â chynsail (er enghraifft, amodau Kinnersley Rubric ac amodau niwed i bysgod mewn dyfroedd arfordirol).
3. Yn eithriadol, efallai y bydd achosion eraill sy’n deilwng o’u hadfer o ganlyniad i’r amgylchiadau penodol. Er enghraifft, efallai y bydd angen i rai achosion sy’n cynnwys cyfrinachedd masnachol gael eu hadfer, ond ni fydd angen adfer pob un ohonynt. Mae hefyd yn bosibl y gallai amgylchiadau achosion a adferwyd newid yn ystod y broses benderfynu, os, er enghraifft, byddai apêl atodol nad oes gan yr Arolygydd unrhyw awdurdodaeth drosti yn cael ei thynnu yn ôl. Mewn achosion o’r fath, gellir dychwelyd yr apêl i’r Arolygydd er mwyn iddo benderfynu arni.