Gwneud eich Apêl am Dystysgrif Datblygiad Cyfreithlon (Arweiniad)

Costau eich apêl

Fel arfer, bydd yn rhaid i chi a’r ACLl dalu treuliau eich apêl eich hun, pa un a benderfynwn ei chynnal drwy’r weithdrefn ysgrifenedig, gwrandawiad neu ymchwiliad.

Pa weithdrefn bynnag a ddefnyddir, gallwch ofyn i’r Cynulliad neu’r Arolygydd orchymyn yr ACLl i dalu rhywfaint o’ch costau, neu’r gost gyfan. Gall yr ACLl hefyd ofyn i’r Arolygydd eich gorchymyn i dalu rhywfaint o’u costau, neu’r gost gyfan.

Ond dim ond os bydd yr Arolygydd o’r farn eich bod chi, neu’r ACLl, wedi ymddwyn yn afresymol, a bod yr ochr arall wedi gorfod talu mwy nag y dylent i ymdrin â’r achos, y dyfernir costau yn eich erbyn.

Pan gynhelir ymchwiliad neu wrandawiad, dylech wneud unrhyw gais am gostau i’r Arolygydd. Os penderfynir ar eich apêl drwy gynrychioliadau ysgrifenedig, dylech wneud unrhyw gais am gostau yn ysgrifenedig i ni.

Byddwn yn anfon ein canllaw ar wahân ar ddyfarnu costau i chi. Mae rhagor o wybodaeth am gostau ar gael ar ein gwefan hefyd.