Yr Arolygiaeth Gynllunio - Cymru
Gwella ansawdd data ystadegol
Mae’r Arolygiaeth Gynllunio yn darparu data ystadegol am apeliadau cynllunio a ddefnyddir gan ystod eang o gwsmeriaid gan gynnwys; ein noddwr, Swyddfa’r Dirprwy Brif Weinidog, Adrannau Llywodraeth eraill, awdurdodau cynllunio lleol (ACLl), y proffesiwn cynllunio, myfyrwyr cynllunio ac aelodau o’r cyhoedd. Rydym yn ymwybodol bod angen i’r wybodaeth hon fod yn fanwl gywir ac yn amserol.
Yn ystod 2005 rhoddwyd cyfres o fesurau ar waith i wella ansawdd data. Fodd bynnag, mae’r niferoedd enfawr (ee derbyniwyd mwy na 23,000 o apeliadau cynllunio o dan A78 yn 2004-2005) yn golygu na allwn ddiystyru camgymeriadau dynol wrth gofnodi data. Felly, ym mis Ionawr 2006 lansiwyd menter i sicrhau ein bod yn barod am y cylchoedd nesaf o Werth Gorau a’r Grant Gweithredu Cynllunio. Y diben yw cyhoeddi yn chwarterol ganlyniad apeliadau o dan A78 yn Lloegr a gwahodd Awdurdodau Cynllunio Lleol i’w gwirio yn erbyn eu canlyniadau eu hunain.
Y manteision i Awdurdodau Cynllunio Lleol:
- y cyfle i weld y wybodaeth cyn iddo gael ei throsglwyddo i Swyddfa’r Dirprwy Brif Weinidog;
- y cyfle i gwestiynu’r data a ddefnyddir i asesu achosion lleihad ar gyfer y Grant Gweithredu Cynllunio cyn y gwneir y dyraniadau; a
- y gwneir y dasg o fesur perfformiad ar apeliadau o dan A78 ac A20 ar ddiwedd y flwyddyn ariannol yn erbyn Gwerth Gorau 204 yn haws os bydd gwaith dilysu wedi’i wneud yn ystod y flwyddyn.
Cyhoeddwyd y gyfran gyntaf o ddata ar ein gwefan ym mis Ionawr 2006. Anfonwyd e-bost i Awdurdodau Cynllunio Lleol i’w hysbysu o flaen llaw o’r fenter a chadarnhau’r man cysylltu cywir. Anfonwyd ail e-bost unwaith roedd y data apeliadau ar gael i wahodd Awdurdodau Cyllunio Lleol i roi gwybod i ni am unrhyw gamgymeriadau. Fel eithriad, cwmpasodd y cysylltiadau cyntaf hyn 2 chwarter, o fis Gorffennaf i fis Rhagfyr 2005. Yn y dyfodol, cyhoeddir y data bob chwarter a chyhoeddir y data ar gyfer blwyddyn gyfan ar ddiwedd y flwyddyn ariannol.
Cysylltodd 87 o Awdurdodau Cynllunio Lleol â ni ar ôl astudio’r ffigurau cyhoeddedig. Roeddem yn fodlon iawn ar eu hymatebion cadarnhaol a’u parodrwydd i weithio gyda ni i gywiro camgymeriadau. Mewn rhai achosion deilliodd yr anghysondebau o wahanol ddehongliadau. Mewn achosion eraill roedd cofnodion yr Awdurdodau Cynllunio Lleol ar fai, fel y cadarnhawyd gan y llythyr penderfyniad, sef y ddogfen ddiffiniol ym mhob achos. Fodd bynnag, mae’n rhaid i ni godi ein dwylo a chyfaddef bod achosion lle’r oedd ein cofnodion yn anghywir er gwaethaf ein holl wiriadau.
Cyhoeddir data diwedd y flwyddyn ar ein gwefan ar ddiwedd mis Ebrill. Rhoddir gwybod i Awdurdodau Cynllunio Lleol trwy e-bost fel cynt. Gobeithio y bydd mwy o Awdurdodau Cynllunio Lleol yn achub ar y cyfle i’w wirio yn erbyn eu cofnodion a rhoi gwybod i ni am unrhyw wahaniaethau. Rydym o’r farn bod y cynnig cyntaf hwn ar ymagwedd gydweithrediadol yn llwyddiannus iawn ac rydym yn edrych ymlaen at weithio gyda hyd yn oed fwy o Awdurdodau Cynllunio Lleol y tro nesaf..
Gweler gwefan yr Arolygiaeth Gynllunio: www.planning-inspectorate.gov.uk
Mannau cysylltu ar gyfer ymholiadau:
Nick. Hall
Central Intelligence Unit
The Planning Inspectorate
5/03, Temple Quay House
2 The Square, Temple Quay, Bristol BS1 6PN
Ebost:Nick.Hall@pins.gsi.gov.uk
Ffôn: 0117 372 6104
Rosemary Cook
Pennaeth yr Uned Wybodaeth Ganolog
