Yr Arolygiaeth Gynllunio - Cymru Cyhoeddiad 9
Neges gan y Prif Weithredwr
Croeso i rifyn diweddaraf Cylchlythyr yr Arolygiaeth Gynllunio.
Ers i'r wythfed Cylchlythyr gael ei gyhoeddi, mae manylion am ein perfformiad yn 2007/08 wedi'u cyhoeddi.
Yn gyffredinol, cyflawnwyd 9 o'n 15 targed perfformiad allweddol, gan gynnwys y rhai sy'n gymwys i ansawdd a bodlonrwydd cwsmeriaid. Yng Nghymru, cyflawnwyd ein targedau ar gyfer yr holl apeliadau cynllunio a gorfodi (7 allan o 8) ac yn Lloegr cyflawnwyd ein targedau amseroldeb ar gyfer apeliadau a benderfynir gan sylwadau ysgrifenedig ac ymholiadau. Canlyniad ardderchog.
Dangosodd yr adroddiad blynyddol ar benderfyniadau cynllunio'r Gweinidog yn Lloegr, a gyhoeddwyd yng nghanol Mai, bod pob un o'r 131 o achosion a alwyd i mewn ac apeliadau a adferwyd wedi'u cwblhau'n brydlon.
Yn ogystal, mae'r Arolygiaeth wedi haneru'r amser aros ar gyfer pennu dyddiadau gwrandawiadau i ddeg wythnos.
Mae'r llwyddiant hwn wedi helpu i gynyddu bodlonrwydd cyffredinol cwsmeriaid â'r Arolygiaeth i 81% fel y mesurwyd yn yr Arolwg Bodlonrwydd Cwsmeriaid.
Rwyf yn hapus iawn â'r canlyniadau hyn ac mae'r Arolygiaeth mewn sefyllfa dda bellach i wynebu heriau'r flwyddyn newydd: gweithio i gyrraedd y targedau newydd fydd yn cael eu gosod gan Weinidogion ar gyfer 2009/10, ateb galwadau'r Mesur Cynllunio, a sicrhau llwyddiant y cynllun peilot Apeliadau Cyflym ar gyfer Deiliaid Tai. Mae mwy o wybodaeth am y cynllun peilot ar gael yn y rhifyn hwn.
Ar 1 Ebrill ymunodd Nigel Clark â'r Arolygiaeth fel Cyfarwyddwr Cynllunio Cyllid, Adnoddau a Busnes. Rwyf yn siŵr y byddwch yn ymuno â mi wrth ei groesawu i'r Arolygiaeth.
Mae croeso i chi roi eich sylwadau ar yr eitemau yn y rhifyn hwn, neu gyflwyno eich awgrymiadau ar gyfer erthyglau yn y dyfodol, drwy anfon e-bost at KatrineSporle.News@pins.gsi.gov.uk.
Katrine Sporle
Mehefin 2008
- Neges gan y Prif Weithredwr
- Pwyso a Mesur Fframweithiau Datblygu Lleol
- Apeliadau mewn perthynas â Gorchmynion Cadw Coed a Hysbysiadau Amnewid Coed
- Amodau a Rhwymedigaethau Cynllunio
- Datganiadau o Dir Cyffredin
- Apeliadau Cynllunio Anghyflawn
- Y Gwasanaeth Gwaith Achos Cynllunio yn Arolygiaeth Gynllunio Cymru.
- Dull Gweithredu Cyflym mewn perthynas ag Apeliadau Cynllunio gan Ddeiliaid Tai.
- Cyfarfod Blynyddol i Arolygwyr
- Civil Service Live
- NEWYDDION I RANDDEILIAID
Pwyso a Mesur Fframweithiau Datblygu Lleol 
Mae Lee Armitage, pennaeth y gangen Cynlluniau Datblygu Lleol, yn trafod faint o gynnydd y mae'r Arolygiaeth wedi'i wneud mewn dwy flynedd o ran archwilio Dogfennau Cynlluniau Datblygu .
Apeliadau mewn perthynas â Gorchmynion Cadw Coed a Hysbysiadau Amnewid Coed
Mae'r Arolygiaeth wedi ymgymryd â gwaith yn ymwneud â Gorchmynion Cadw Coed ers mis Ebrill 2008. Mae Sarah Tudor, Swyddog Gwaith Achos Amgylcheddol, yn archwilio beth y mae hyn yn ei olygu i'r Arolygiaeth.
Amodau a Rhwymedigaethau Cynllunio 
Mae Richard Holland, Rheolwr Adran, yn rhoi gwybodaeth am amodau sy'n ei gwneud yn ofynnol i bartïon lunio rhwymedigaeth gynllunio a sut y mae ein cyngor i Arolygwyr wedi newid.
Datganiadau o Dir Cyffredin
Mae'r cyfle i gynnal ymchwiliadau cyflym ac effeithiol yn cael ei golli am fod datganiadau ystyrlon o dir cyffredin yn cael eu cyflwyno'n hwyr neu am nad ydynt yn cael eu cyflwyno o gwbl. Mae Wendy Burden, y Cyfarwyddwr Cynorthwyol ar gyfer Gwaith Achos Amgylcheddol ac Arbenigol, yn trafod y cyfleoedd i wella arfer o ran cynhyrchu datganiadau.
Apeliadau Cynllunio Anghyflawn 
Mae nifer yr apeliadau anghyflawn neu sydd heb eu llenwi'n gywir a gyflwynir yn ychwanegu at yr oedi wrth Gofrestru. Mae Si Bliss, Rheolwr Adran ar Gofrestru Gwasanaeth Gwaith Achos Cynllunio, yn gofyn am gydweithrediad gan gydweithwyr i oresgyn y broblem.
Y Gwasanaeth Gwaith Achos Cynllunio yn Arolygiaeth Gynllunio Cymru.
Cyflwynwyd y Gwasanaeth Gwaith Achos Cynllunio yng Nghymru yn 2007. Mae Isabel Nethell, Rheolwr Adran PINS Cymru, yn archwilio'r broses o gyflwyno a datblygu'r system prosesu apeliadau electronig.
Darllen yr erthygl ar y Gwasanaeth Gwaith Achos Cynllunio >>
Dull Gweithredu Cyflym mewn perthynas ag Apeliadau Cynllunio gan Ddeiliaid Tai.
Bydd y dull gweithredu hwn sydd wedi'i ailwampio yn golygu y bydd apeliadau gan ddeiliaid tai yn cael eu penderfynu cyn pen 12 wythnos neu lai. Mae hyn o leiaf 4 wythnos yn gynt na'r broses bresennol. Mae Sean Canavan, Pennaeth Ansawdd a Phrosiectau Arbennig, yn trafod sut y mae'r cynllun peilot presennol yn gweithio a'r manteision a ddaw o fabwysiadu'r dull gweithredu hwn.
Darllen yr erthygl ar y Dull Gweithredu Cyflyn >>
Cyfarfod Blynyddol i Arolygwyr
Mae Mike Rathmell, Rheolwr yr Adran Hyfforddi Arolygwyr, yn amlinellu digwyddiadau'r Cyfarfod Blynyddol i Arolygwyr a gynhaliwyd ym mis Ebrill2008. Dolen i'r erthygl.
