Mae’r Arolygiaeth Gynllunio wedi ymrwymo i ddiogelu iechyd, diogelwch a lles pob un o’n gweithwyr, ein cwsmeriaid, y cyhoedd a’r holl bobl sy’n gweithio o dan reolaeth y sefydliad. Mae sicrhau’r ymrwymiad hwn yn amcan rheoli pwysig sy’n cyfrannu at berfformiad ein busnes.

Mae’r Prif Weithredwr yn sicrhau y gwneir trefniadau digonol i gynnal system rheoli iechyd a diogelwch ysgrifenedig ac i ddarparu adnoddau ariannol a chorfforol priodol er mwyn ei gweithredu . Mae’r system hon yn nodi cyfrifoldeb pob rheolwr ac yn manylu ar y trefniadau ar gyfer rheoli peryglon a allai godi yn sgil gweithgareddau eu gweithrediadau ac ymgynghori a chyfathrebu ar faterion iechyd a diogelwch â gweithwyr. Mae’r system hon hefyd yn cynnwys trefniadau ar gyfer gosod amcanion; monitro ac adolygu perfformiad a rheolaeth iechyd a diogelwch, nid yn unig er mwyn cydymffurfio â gofynion cyfreithiol a gofynion eraill ond er mwyn sicrhau gwelliannau blaengar.

Mae’r Rheolwr Iechyd a Diogelwch yn darparu cyngor iechyd a diogelwch i’r Prif Weithredwr a’r Uwch Reolwyr. Mae’r Rheolwr Iechyd a Diogelwch yn gyfrifol am adolygu perfformiad iechyd a diogelwch yn rheolaidd ac adrodd y canlyniadau i’r Cyfarwyddwr Gweithrediadau a’r Uwch Dîm Rheoli.

Rydym yn atgoffa pob gweithiwr, a phob unigolyn sy’n gweithio o dan reolaeth  y sefydliad, bod ganddynt gyfrifoldeb personol dros eu hiechyd a diogelwch eu hunain ac iechyd a diogelwch pobl eraill sy’n cael eu heffeithio gan y gwaith a wneir ganddynt. Felly, mae’n rhaid iddynt lynu wrth yr arferion gweithio a nodir yn y Llawlyfr Staff, Llawlyfr yr Arolygydd a nodiadau perthnasol yr Arolygiaeth, a chydweithredu’n llawn gyda’u rheolwyr ar unrhyw fater yn ymwneud ag iechyd a diogelwch.

Caiff y polisi hwn ei adolygu’n flynyddol er mwyn sicrhau ei fod yn parhau’n berthnasol ac yn briodol.

Llofnodwyd

Katrine Sporle

Prif Weithredwr