Yr Arolygiaeth Gynllunio - Cymru

SWYDDOG CYNLLUNIO UWCH

(Cyf EB-05-09) Cyflog Cychwynnol £27, 928 yn codi at £31, 310

Am ehangu’ch profiad mewn cynllunio? Yn chwilio am her newydd?

Dyma’ch cyfle i fod ar flaen y gad gyda’r system gynllunio newydd wrth weithio i’r cyflogwr mwyaf ar gynllunwyr proffesiynol yn y wlad. Mae hwn yn gyfle unigryw i weithio gydag Arolygwyr Cynllunio ar amrywiaeth fawr o achosion, a gallu dysgu ganddynt.

Mae gan yr Arolygiaeth Gynllunio swydd wag ar gyfer Swyddog Cynllunio Uwch. Lleolir hi yn ein swyddfa yng Nghaerdydd a byddwch yn gyfrifol am amrywiaeth o achosion gan gynnwys archwilio cynlluniau datblygu lleol yng Nghymru. Bydd cyfle hefyd i gynorthwyo’r Arolygiaeth Gynllunio yn ei rôl wrth ddylanwadu ar ddatblygu polisi ar y lefel genedlaethol drwy baratoi cyngor ar ddogfennau polisi newydd a gyhoeddir gan Lywodraeth Cynulliad Cymru a’r goblygiadau i waith yr Arolygiaeth.

Mae’r swydd yn galw am rywun sydd â phrofiad gwaith ymarferol mewn amgylchedd cynllunio, e.e. Awdurdod Lleol, Ymgynghoriaeth Breifat neu Academaidd.. Bydd rhaid bod gennych hefyd gymhwyster mewn cynllunio neu faes perthynol a bod yn aelod o gorff proffesiynol. Dylai bod gennych brofiad neu wybodaeth am y system gynllunio yng Nghymru, yn benodol y system Cynllun Datblygu Lleol neu’r system Fframwaith Datblygu yn Lloegr. Croesewir ceisiadau gan siaradwyr Cymraeg.