Adroddiad Blynyddol a Chyfrifon 2004/05

Cynlluniau Datblygu a Fframweithiau Datblygu Lleol

Yn ystod y flwyddyn agorwyd 73 o ymchwiliadau i Gynlluniau Datblygu. Bob blwyddyn am y pum mlynedd diwethaf mae nifer yr ymchwiliadau a agorwyd wedi cynyddu - eleni mae'r cyfanswm wedi dyblu o gymharu â 2000/01. Darlunnir hyn y graff yn ffigur 5.

Ym mis Mawrth 2005 lansiodd y Gweinidog ar y pryd bapur yr Arolygiaeth ar gyfer ymgynghoriad ffurfiol ar y Fframwaith ar gyfer Asesu Cadernid Dogfennau Cynlluniau Datblygu a Datganiadau Cynnwys y Gymuned. Nododd y papur hwn sut y bydd yr Arolygiaeth yn asesu cadernid yn ôl gofynion Deddf 2004. Yng ngoleuni sylwadau a wneir bydd yr Arolygiaeth yn llunio Canllaw ar Archwilio Cynlluniau Datblygu yn seiliedig ar y papur ymgynghori. Disgwylir i'r Canllaw hwn gael ei lansio yn Hydref 2005.