Adroddiad Blynyddol a Chyfrifon 2004/05

Edrych i'r Dyfodol

Cytunwyd gyda'r Adrannau sy'n ei noddi mai blaenoriaethau'r Arolygiaeth ar gyfer 2005/06 ddylai fod:-

• gwneud y defnydd gorau o adnoddau;
• gwella cynhyrchiant yn gyffredinol;
• ymbaratoi ar gyfer proses y cynlluniau datblygu newydd;
• rheoli'r galw.

Bydd llawer yn dibynnu ar y llwyth gwaith a ragwelir. Os bydd nifer yr apeliadau yn parhau i gynyddu (ee hyd at 28,000 yn 2007/08 a dybir yn rhagamcanion Swyddfa'r Dirprwy Brif Weinidog), bydd y risg o gael ôl-groniad unwaith eto yn llawer mwy, yn enwedig mewn cysylltiad â'r pwysau gwaith eraill y bydd yr Arolygiaeth yn eu hwynebu o 2005/06 ymlaen. O dan amgylchiadau o'r fath, efallai y bydd angen wynebu'r dewis annymunol o orfod blaenoriaethu rhwng gwaith apêl adran 78 a thasgau newydd ar gynlluniau datblygu. Ar y llaw arall, os bydd nifer yr apeliadau yn gostwng o gymharu â 2004/05, bydd mwy o gyfle i symud adnoddau i waith ar gynlluniau datblygu.