Adroddiad Blynyddol a Chyfrifon 2004/05

Talu credydwyr

Mae'r Arolygiaeth yn dilyn egwyddorion y Cod Arfer Talu Gwell ar dalu'n brydlon. Ei pholisi yw talu pob bil nad oes anghydfod yn ei gylch o fewn 30 diwrnod o dderbyn anfoneb ddilys neu o fewn y termau contract cytûn os dynodir fel arall.

Yn 2004/05 talodd yr Arolygiaeth 97.21% o'r 5164 o anfonebau a dderbyniwyd yn unol â'r targed uchod. Mae hyn yn cymharu â pherfformiad y flwyddyn flaenorol o 98.41%.

Ym mis Tachwedd 1998, daeth y Ddeddf Talu Dyledion Masnachol yn Hwyr (Llog) i rym, gan roi hawl statudol i fusnesau bach hawlio llog gan fusnesau mawr (a phob corff yn y sector cyhoeddus) ar daliadau sy'n fwy na 30 diwrnod yn hwyr. Daeth deddfwriaeth ddiwygiedig (Rheoliadau Talu Dyledion Masnachol yn Hwyr 2002) i rym ar 7 Awst 2002 gan roi hawl i bob busnes, waeth beth yw eu maint, i hawlio llog statudol am dalu dyledion masnachol yn hwyr. Ni dderbyniwyd unrhyw gais o'r fath yn ystod y flwyddyn.

Katrine Sporle
Prif Weithredwr
28 Mehefin 2005