Adroddiad Blynyddol a Chyfrifon 2004/05

Hanes

Sefydlwyd yr Arolygiaeth Gynllunio fel un o Asiantaethau Gweithredol Adran yr Amgylchedd a'r Swyddfa Gymreig ar 1 Ebrill 1992 o dan y fenter 'Camau Nesaf'. Cyn dod yn Asiantaeth roedd yr Arolygiaeth yn Gyfarwyddiaeth ar wahân o fewn Adran yr Amgylchedd. Yn ystod 1997 daeth yr Arolygiaeth yn Asiantaeth o fewn Adran yr Amgylchedd, Trafnidiaeth a'r Rhanbarthau (DETR) a'r Swyddfa Gymreig. Disodlwyd y Swyddfa Gymreig gan Gynulliad Cenedlaethol Cymru (y Cynulliad) ym 1999. Trosglwyddwyd y cyfrifoldeb am weithgaredd yr Arolygiaeth yn Lloegr i'r Adran newydd dros Drafnidiaeth, Llywodraeth Leol a'r Rhanbarthau (DTLR) o fis Mehefin 2001. Ym mis Mai 2002, trosglwyddwyd y rheolaeth adrannol dros waith yn Lloegr eto, y tro hwn i Swyddfa'r Dirprwy Brif Weinidog.