Adroddiad Blynyddol a Chyfrifon 2004/05

Datganiad o Gyfrifoldebau'r Arolygiaeth a'r Prif Weithredwr

O dan Adran 7 Deddf Adnoddau a Chyfrifon y Llywodraeth 2000 mae'r Trysorlys wedi gorchymyn i'r Arolygiaeth Gynllunio baratoi datganiad o'r cyfrifon ar gyfer pob blwyddyn ariannol ar y ffurf ac ar y sail a nodir yn y cyfarwyddyd cyfrifon. Paratoir y cyfrifon ar sail gronnus ac mae'n rhaid iddynt roi golwg wir a theg o faterion yr Arolygiaeth ar ddiwedd y flwyddyn, ei chostau gweithredu net a'i llif arian ar gyfer y flwyddyn ariannol.

Wrth baratoi'r cyfrifon mae'n ofynnol i'r Arolygiaeth:

• ufuddhau i'r cyfarwyddyd cyfrifon a gyhoeddwyd gan y Trysorlys, gan gynnwys y gofynion cyfrifo a datgelu perthnasol, a chymhwyso polisïau cyfrifo addas yn gyson;
• barnu a gwneud amcangyfrifon ar sail resymol;
• nodi a ddilynwyd safonau cyfrifo cymwys, a datgelu ac esbonio unrhyw wyriadau materol yn y datganiadau ariannol;
• paratoi'r datganiadau ariannol ar y sail busnes parhaus, oni bai ei bod yn amhriodol i dybio y bydd yr Arolygiaeth yn parhau i weithredu.

Mae'r Swyddog Cyfrifo Adrannol wedi penodi'r Prif Weithredwr fel y Swyddog Cyfrifo ar gyfer yr Arolygiaeth. Mae ei chyfrifoldebau perthnasol fel Swyddog Cyfrifo, yn cynnwys ei chyfrifoldeb dros wedduster a rheoleidd-dra yr arian cyhoeddus y mae hi'n atebol drosto a thros gadw cofnodion cywir ac am ddiogelu asedau'r Arolygiaeth, wedi eu nodi ym Memorandwm y Swyddog Cyfrifo, a gyflwynwyd gan y Trysorlys ac a gyhoeddwyd yn "Government Accounting" (Y Llyfrfa) ac ym Memorandwm Ariannol yr Arolygiaeth.

Katrine Sporle
Prif Weithredwr
28 Mehefin 2005