Adroddiad Blynyddol a Chyfrifon 2004/05

Ein cenhadaeth, ein gwerthoedd a'n hamcanion

Mae cenhadaeth, gwerthoedd ac amcanion yr Arolygiaeth yn nodi ei chyfeiriad corfforaethol. Cânt eu rhaeadru i bob aelod o staff ac maent yn rhoi cyd-destun cyffredin i'w gwaith. Mae'r Adroddiad hwn yn disgrifio sut y mae'r gwaith a wnaed yn cyfrannu i'r genhadaeth honno.

Cenhadaeth yr Arolygiaeth yw:

Defnyddio ein harbenigedd diduedd mewn cynllunio a defnydd tir i helpu i lunio amgylcheddau wedi'u cynllunio'n dda.

Gwerthoedd yr Arolygiaeth yw:

Byddwn yn cyflawni ein cenhadaeth drwy sicrhau y byddwn yn dilyn egwyddorion tegwch, bod yn agored a didueddrwydd wrth ymdrin â gwaith achos cynllunio a gwaith achos arall.

 Wrth baratoi ein penderfyniadau a'n hadroddiadau, byddwn yn ystyried: 

 a.    polisi cyhoeddedig - cenedlaethol, rhanbarthol a lleol;

 b.    materion cynllunio ac ystyriaethau perthnasol;

 c.     barn pob parti.

Amcanion corfforaethol yr Arolygiaeth yw :

• Helpu i lunio amgylcheddau wedi'u cynllunio'n dda sy'n cyfrannu i gymunedau cynaliadwy drwy weithlu medrus, ymroddedig ac wedi'u hyfforddi'n dda sy'n gallu ymateb yn effeithiol i anghenion busnes newidiol.
• Gosod y safonau ansawdd ar gyfer holl waith yr Arolygiaeth, a wneir gan yr Arolygiaeth, gan gynnwys archwiliadau o gynlluniau gofodol awdurdodau lleol.
• Gwneud y defnydd gorau o'n hadnoddau i gyflawni targedau perfformiad.
• Rheoli'r holl waith achos yn broffesiynol ac i safonau ansawdd.
• Darparu gwasanaethau effeithlon ac effeithiol i gwsmeriaid.
• Dylanwadu ar y broses o lunio polisi drwy adborth effeithiol.
• Cysoni gwaith cynllunio busnes ac ariannol â'r amcanion.