Adroddiad Blynyddol a Chyfrifion yr Arolygiaeth Gynllunio ar gyfer 2005-2006

Edrych i’r Dyfodol

Bydd 2006/07 yn flwyddyn heriol arall.  Rydym wedi ymrwymo i gyflawni pob un o'r targedau a bennwyd ar ein cyfer gan Weinidogion ar gyfer gwaith achos yn Lloegr erbyn diwedd y flwyddyn, tra'n parhau i'w cyflawni yng Nghymru, a pharhau i gyflawni ein rôl o fewn y system Fframweithiau Datblygu Lleol newydd, y disgwyliwn iddo gyflymu dros y 12 mis nesaf. 

Bydd yr ymdrech i sicrhau mwy o gynhyrchiant ac effeithlonrwydd yn parhau ac, yn ystod y flwyddyn sydd i ddod, rydym yn disgwyl gweld llawer o'r datblygiadau arloesol a'r gwelliannau a roddwyd ar waith gennym yn dwyn ffrwyth. Ein nod fydd sicrhau bod hyn yn digwydd gyda chydweithrediad llawn pob aelod o'n staff er budd pob un o'n cwsmeriaid.

Rydym yn bwriadu chwarae rhan lawn yn y broses o ddatblygu'r agenda gynllunio ehangach.  Mae hyn yn golygu nid yn unig ymateb i flaenoriaethau Gweinidogion, ond hefyd defnyddio ein harbenigedd i roi adborth adeiladol ar sut y mae polisïau yn gweithio a ble y gellir gwneud gwelliannau pellach.  Rydym hefyd yn barod i chwarae ein rhan mewn datblygiadau tymor hwy a, thrwy ein Prif Weithredwr, rydym yn arwain yr Adolygiad Datblygu Caniatâd Deiliaid Cartrefi, sy'n ystyried ffyrdd o symleiddio'r gweithdrefnau ar gyfer ceisiadau ac apeliadau symlach.