Yr Arolygiaeth Gynllunio - Cymru

Adroddiad Blynyddol a Chyfrifion yr Arolygiaeth Gynllunio ar gyfer 2005-2006

Ein cenhadaeth, gwerthoedd ac amcanion

Mae cenhadaeth, gwerthoedd ac amcanion yr Arolygiaeth yn nodi ein cyfeiriad corfforaethol. Cânt eu rhaeadru i bob aelod o staff ac maent yn rhoi cyd-destun cyffredinol i’n gwaith. Yn sgîl ein profiadau yn ystod 2005/06, rydym wedi adolygu a mireinio ein cenhadaeth a'n hamcanion corfforaethol er mwyn sicrhau eu bod wedi'u halinio'n well â'r amgylchedd cynllunio newidiol.

Ein Cenhadaeth yw -

Defnyddio ein harbenigedd diduedd mewn cynllunio a defnydd tir i helpu i lunio amgylcheddau wedi'u cynllunio'n dda a sicrhau datblygu cynaliadwy.

Ein Gwerthoedd yw -

Byddwn yn cyflawni ein cenhadaeth drwy sicrhau ein bod yn dilyn egwyddorion tegwch, bod yn agored ac yn ddiduedd wrth ymdrin â chynllunio a gwaith achos arall a bod ein penderfyniadau a'n hadroddiadau yn ystyried:

Polisïau cenedlaethol, rhanbarthol a lleol cyhoeddedig;
Materion cynllunio ac ystyriaethau perthnasol;
Barn pob parti.

Ein Hamcanion Corfforaethol yw -

Cynnal enw da'r Arolygiaeth Gynllunio drwy reoli ein holl waith yn broffesiynol a gosod y safonau ansawdd uchaf posibl i'w gyflawni;
Gwneud y defnydd mwyaf cynhyrchiol o'n holl adnoddau i ddarparu gwasanaeth cwsmeriaid effeithlon ac effeithiol o ran ein holl waith achos;
Defnyddio ein harbenigedd i gynorthwyo'r broses ddiwygio barhaus ym maes Cynllunio drwy ddylanwadu ar y broses o lunio polisïau drwy adborth effeithiol;
Cynnal a datblygu gweithlu hyfforddedig, medrus, amrywiol ac ymrwymedig a all ymateb i anghenion busnes newidiol;
Alinio gwaith cynllunio busnes a chynllunio ariannol i gyflawni ein hamcanion yn effeithlon, yn effeithiol a chan sicrhau'r gwerth gorau am arian a chyn lleied o effaith â phosibl ar yr amgylchedd.