Cenhedaeth, Gwerthoedd ac Amcanion yr Arolygiaeth

Mae ein profiad yn ystod y flwyddyn wedi sicrhau ein bod yn gallu adolygu a mireinio ein Cenhedaeth a'n Hamcanion Corfforaethol er mwyn sicrhau y gellir eu cyflawni mewn amgylchedd cynllunio sy'n newid.

Cenhadaeth yr Arolygiaeth

Defnyddio ein gwybodaeth arbenigol ddiduedd mewn cynllunio a defnydd tir er mwyn datblygu amgylcheddau sydd wedi'u cynllunio'n dda a sicrhau datblygu cynaliadwy.

Ein Gwerthoedd

Byddwn yn cyflawni ein cenhadaeth trwy sicrhau wrth ymdrin â chynllunio a gwaith achos arall y byddwn yn dilyn egwyddorion tegwch, bod yn agored a didueddrwydd. Wrth wneud penderfyniadau a pharatoi adroddiadau byddwn yn rhoi sylw i:

• polisi cyhoeddedig - cenedlaethol, rhanbarthol a lleol
• materion cynllunio ac ystyriaethau perthnasol
• barn pob un o'r partïon

Ein Hamcanion Corfforaethol

Cadw enw da yr Arolygiaeth trwy reoli ein holl waith yn broffesiynol a thrwy osod y safonau uchaf er mwyn ei gyflawni;

Defnyddio ein hadnoddau mor gynhyrchiol â phosibl er mwyn darparu gwasanaeth effeithlon ac effeithiol i'r cwsmer; gyda phob gwaith achos;

Defnyddio ein gwybodaeth arbenigol i gefnogi Diwygiadau i'r System Gynllunio trwy ddylanwadu ar y broses o lunio polisïau trwy adborth effeithiol;

Cadw a datblygu gweithlu hyfforddedig, medrus, amrywiol ac ymrwymedig sy'n ymatebol i anghenion cyfnewidiol busnes; a

cydlynu gwaith cynllunio ariannol a busnes er mwyn cyflawni ein hamcanion yn effeithlon, yn effeithiol gyda'r gwerth mwyaf posibl am arian a'r effaith amgylcheddol leiaf posibl.